花見月 (已結業)

同老公去郊遊，黃昏時間搵地方食晚飯。市區難泊車 ，我哋決定去科學園搵食。 原來科學園都幾多餐廳選擇 ，我哋行嚟行去揀咗一輪，最後揀咗呢間花見月。佢地啲職員好有禮貌咁係好外面同客人打招呼，哋舖頭有一陣好香嘅食物味傳出嚟，吸引咗我哋入去幫襯 。間餐廳都幾大，當晚客人唔多，客人都好斯文，整間餐廳好寧靜 ， 枱櫈都好寬闊 ，我哋全餐飯都食得好舒服。 我叫咗一個燒牛肉定食，一上台就聞到好香，牛肉一啲都唔韌，非常軟熟，平時食好少飯嘅我都食晒成碗白飯。