老二花廳

營業中

休息中

今日過嚟旺角搵嘢食，經過見到呢間餐廳新開，而且裝修好特別，佢哋菜式都好得意咁，所以入咗嚟試吓😎餐廳有兩層，2樓裝修非常復古，有好多舊香港嘅打卡位😻明太子蟹肉腸粉：估唔到呢個味道係咁夾，有啲似食緊章魚燒咁😆佢嘅腸粉都非常之滑，呢個係必食之選，因為我未食過呢個配搭🤣魚翅撈飯：$58食到魚翅撈飯🤣呢度菜式係性價比之選，煲仔翅入邊好足料，配埋白飯好好味😻咖喱拼盤配薄餅：薄餅煎得好脆，配埋我哋嘅港式咖喱，入邊有魚蛋魷魚同埋豬皮，咖喱味好濃，好似食緊街頭小食咁😻牛油蜜糖雞翼：雞翼皮脆肉滑，而且有濃濃嘅蜜糖味，可以食唔停口🙊豆腐花薑汁梳打：呢個飲品好特別，成件事又係勁夾，一試難忘！