影片
更多
2023-11-19
56 瀏覽
難得放假同屋企人出嚟食飯，因為勁鍾意食酸菜魚，專登搵有酸菜魚嘅餐廳嚟食。眼見呢一間新開，感覺又好似好出名，叫得姚姚酸菜魚，咁啲酸菜魚一定係主打，所以十分期待。我哋早段大約6:00入去，舖頭大概已經坐左四五張枱，感覺都唔錯，啲侍應都好熱情，雖然有QR code落單，但係佢地都好主動過嚟幾次想幫我地落單。我哋最後點左酸菜魚拼番茄湯魚，擔擔面，宮保蝦球同乾編四季豆。酸菜魚係第一個嚟嘅，嚟到個份量眼見都幾大，個底有三個蠟燭仔熱住，我哋試咗一啖，酸菜魚同埋蕃茄湯魚，感覺係微溫狀態。好！我哋決定試吓再放一陣睇吓蠟燭仔會唔會令佢熱番啲。講返條魚，口感係滑嘅，但係食落完全冇魚味，仲帶點腥味。魚應該唔係一齊煮，而係煮好放落去，所有配料感覺都係完全分開晒。暫時係我食過最差嘅酸菜魚。而蕃茄湯魚，味道就有d怪怪地，蕃茄好似有啲壞壞哋食咗幾啖就冇再食。擔擔面，味道唔好食，果麵好似未煮熟。宮保蝦球同乾編四季豆。溫度都係處於微溫狀態，宮保蝦球味道一般，而乾編四季豆，味道已經算係所有菜式之中最好食嗰個。總括而言，菜式嘅溫度係最大問題，所有菜式冇一個係熱上嘅，最熱已經係杯茶。溫度影響個味道唔突出，呢個真係好失望。雖然環
我哋早段大約6:00入去，舖頭大概已經坐左四五張枱，感覺都唔錯，啲侍應都好熱情，雖然有QR code落單，但係佢地都好主動過嚟幾次想幫我地落單。我哋最後點左酸菜魚拼番茄湯魚，擔擔面，宮保蝦球同乾編四季豆。
酸菜魚係第一個嚟嘅，嚟到個份量眼見都幾大，個底有三個蠟燭仔熱住，我哋試咗一啖，酸菜魚同埋蕃茄湯魚，感覺係微溫狀態。好！我哋決定試吓再放一陣睇吓蠟燭仔會唔會令佢熱番啲。講返條魚，口感係滑嘅，但係食落完全冇魚味，仲帶點腥味。魚應該唔係一齊煮，而係煮好放落去，所有配料感覺都係完全分開晒。暫時係我食過最差嘅酸菜魚。而蕃茄湯魚，味道就有d怪怪地，蕃茄好似有啲壞壞哋食咗幾啖就冇再食。
擔擔面，味道唔好食，果麵好似未煮熟。
宮保蝦球同乾編四季豆。溫度都係處於微溫狀態，宮保蝦球味道一般，而乾編四季豆，味道已經算係所有菜式之中最好食嗰個。
總括而言，菜式嘅溫度係最大問題，所有菜式冇一個係熱上嘅，最熱已經係杯茶。溫度影響個味道唔突出，呢個真係好失望。雖然環境同服務尚可，但係真係唔會再嚟。
Btw 返到屋企，大家個肚都唔舒服感覺嗰個蕃茄真係變壞咗。呢間嘅出品真係無言。
張貼