薩莉亞意式餐廳 (已搬遷) 新店位置

上個禮拜同幾個同學黎呢度食飯，呢間真係好平又多野食。呢個下午又唔算多人，都好快搵到位既，真係幾好。香蒜佛西亞意大利飽呢個包即叫即焗，好香蒜蓉味。好軟熟既包包，真係好好食。野菌意大利飯個飯好軟熟，不過個白汁食完係好漏。忌廉味係幾重既，野菌既味道都唔錯。但下次都係唔食啦，食完真係好漏架。牛肉pizza個批比之前薄左好多，而且唔係咁易切到。個pizza好脆口，好多牛肉。芝士可以拉到好長，就已經好食過pizza hut啦。食物就幾好，但野食等左好耐。而且午餐可以任飲咖啡、汽水呢飲品。難怪午餐都咁多人食啦。