文輝墨魚丸大王

營業中

休息中

今日外出辦事，搞掂準備返公司嘅時候，經過一條巷仔見到有人系一間店仔排隊，都幾多人，剛好有D肚餓，就過去睇睇賣咩食嘅，原嚟系文輝墨魚丸大王，咁多人排隊食應該出品唔錯啦，就排隊試下好唔好食。既然系墨魚丸系特色，甘我就點左個墨魚丸清湯，一碗有六粒墨魚丸，分量感覺有D少，不過咬左第一啖魚丸就覺得這個算系抵食喇，唔系出邊果D咁淀粉多過魚肉，呢個可以食得出墨魚分量比例幾大，又做得好彈牙，絕對系良心作品啊，跟住再試下個湯底，好清甜，做得比較用心，下次要朋友仔過嚟試下。墨魚丸燒賣，無墨魚丸甘彈牙，但餡料都系以魚肉為主要，調味剛剛好，食落好香，可以值得一試。潮州粉果，皮整得好彈牙，餡料味道又好，都幾好食。