影片
更多
2004-04-27
35 瀏覽
昨天我生日,剛巧長頸鹿放例假,所以又係做例牌動作-行街同搵美食.在銅鑼灣打左一陣麻雀機後,決定去灣仔食晚飯,行到大半經過呢間小店,想起自己最近都有少少躁,於是一試聞名的野葛菜水.野葛菜水盛惠$7一碗,由於我第一次飲,唔知味道會否太怪,所以加了d鹽調味.野葛菜水飲落口都幾甘,未致於太甜,有d草藥味,但唔算濃,好似飲緊藥材湯咁,而我落鹽重手左d,所以有d鹹,不過總括來講都幾好味.飲完呢碗菜水,令我想起老媽子以前煲的清補涼湯,同埋各式各款的老火湯同滾湯等,我經常都會飲兩碗以上,可惜...而家已無機會再試到佢煲的湯,更加無法親口向佢請教如何煲,如何揀材料了,想飲就惟有自己設法去鑽研,找出最接近的味道了. ~_~
張貼