大班樓 (已搬遷) 新店位置

一個月前已經幫朋友訂咗大班樓慶祝生日。地方唔係好大。去到當然叫佢地最出名的野食。一開始，我地叫咗一人一碗十豆蟲草鬚湯古法金錢雞配饅頭其實係蜜汁雞膶，薄薄的肥豬膏放係半件香脆的鏝頭。食落去唔覺肥，還有香脆的的鏝頭和甜甜的蜜糖味，配搭非常好。蝦籽琵琶蝦食落去好鮮甜，味道好似龍蝦。炸金菇味道好似食薯條，好油。雞油花雕蒸蟹好好味！！陳村粉吸曬花雕精華！！！蟹肉好甜好嫩！！三蝦炒飯一到已香噴噴！！鮮蝦配香蝦乾和蝦膏，好有次感。最後，巨大的壽包！！大壽包裏面什麼都沒有，只得個樣。旁邊有很多細細的，裏面是蓮蓉, 甜度剛剛好！