燈籠滷味 (登龍街) (已結業)

早幾個星期日我同老公去咗銅鑼灣登龍街嘅燈籠滷味尋找台灣嘅味道。我哋大概兩點半去到，唔洗等位☺️店入面嘅佈置都好有台灣feel，例如台灣常見嘅牆上菜單，令人仿似置身喺台灣咁☺️ 我揀咗啲平時比較少見嘅配料，揀咗蹄膀、肝連、百頁豆腐同甜不辣配冬粉。老公就揀大腸、米血糕、鴨血、花枝丸配王子麵。滷水嘅味道有少少香料味，都幾香😋啲配料正正常常，無乜特別。碗滷味加冬料係用滷水汁撈麵咁，食到尾就有啲太鹹，幾啱我呢啲重口味嘅人🤪另外，我哋仲叫咗shake shake海苔鹽酥雞，可以加啲海苔落去個紙袋度shake shake，都幾得意😎鹽酥雞炸得幾香口，滿足食炸物嘅癮😍由於啲食物比較重口味，所以要叫返啲嘢飲。冬瓜仙草檸檬加珍珠酸酸甜甜，幾解渴。不過可能佢本身個茶底係熱嘅，我揀咗半冰，會覺得杯野飲唔夠凍。就算老公嗰杯係正常冰，飲落都唔凍，啲冰好快融哂🙈