船皇 (大埔超級城) (已結業)

真係好掛住泰國，以往一年去幾次泰國，但今年疫情影響睇怕都去唔到，所以今日就去船皇食返碗麵，止下心癮。呢次食船皇湯麵同埋船皇撈麵，少辣。飲第一啖湯，不禁嘩一聲，好足料，牛味好出，好濃郁。牛肉、牛肉片嗰啲都好入味，豬肉丸好彈牙。炸豬皮略為有少少硬，需要浸一陣先好食。串燒方面叫咗魷魚酥、菠蘿、豬肉同埋朱頸肉，燒汁好惹味。值得一提係泰式奶茶，去過泰國嘅朋友仔都知道泰國奶茶係非常之甜，但船皇特製嘅奶茶符合返香港人口味，將甜度降低，提高奶味，配上濃濃嘅茶味，正！至於服務質素方面，員工好友善好禮貌，愉快嘅一餐。今次未有雞皮供應，下次要食返！