中興美食

營業中

休息中

今晚太安樓搵食臨走嘅時候見到呢間炒粉炒麵檔口仔香氣撲鼻又見到有少少人龍似乎應該係好野，唔想走寶嘅我梗係要排埋一份趁吓墟啦，佢d粉麵都有好多選擇，包括有油麵河粉米粉等，而我就叫咗炒腸粉，d餸就因為唔知揀咩野好於是就揀咗份雜錦，入面有火腿絲蟹柳絲牛肉雞絲獅子狗魚蛋等。即叫即炒煙霧離漫香噴噴手，佢會問我要唔要辣椒蒜蓉因為我唔識所以就淨係要咗蒜蓉。呢度剩係得外賣店主好細心喺個發泡膠盒面整穿一個窿等佢可以散吓氣，唔使返到屋企成盒都係倒汗水，味道唔錯，夠鑊氣，腸粉炒到微燶，盛惠$34 ，高水準低價錢。