路邊煱 (已結業)

潮流興打邊爐，香港分分鐘一條街有幾間打邊爐或雞煲，要搵一間好食，真係好考心機，要慢慢搵。而我覺得火窩嚟講，湯底真係好緊要，而食材基本要新鮮同特別。而呢間路邊煱嚟講，雖然地點比較唔就腳，但野食真係唔差。首先係湯底，雞件煮得好入味，湯應該係煲咗好耐，好濃味好甜，嘢食未嚟已經要飲兩啖先，正。牛肉好好食，好有咬感！炸響令，係廚房炸出嚟，唔同出面嗰啲係外面買返嚟。海鮮好新鮮，肉質好爽口！其他食物全部都新鮮爽口。所以呢間係一定要食，好好食。