金船長餐廳 (已結業)

我同我男朋友今日去大角咀買完野，就諗住食埋晚餐先返屋企，咁行行下就見到一間幾特別嘅西餐廳，就入左試下啦🤗之後店員好有禮貌介紹食物👍🏻我地就叫左呢到嘅招牌菜😋黑松露菌醬意式馬卡斯普芝士夾心比薩🍕Pizza外皮好脆好特別，黑松露好香，加埋個特製嘅醬汁，酸酸甜甜，好開胃！最特別嘅係，呢個pizza有3種食法，係牆上亦有圖畫介紹😂海鮮鮮果沙律配千島醬🥗生果好新鮮，有蘋果同梨等等，海鮮亦都幾新鮮，配埋新鮮嘅沙律菜，都幾健康👍🏻蜜糖慢煮烤豬手配蜜糖燒汁🐷豬手炆得好淋，份量亦都好多，好大隻😂配埋個醬汁，好入味，好豐富嘅骨膠原😋一個主菜就緊要配餐湯同甜品啦！抵讚嘅係竟然有蒜蓉包👍🏻👍🏻👍🏻餐飲：有我最中意嘅黑牛😍仲有檸檬梳打👍🏻甜品：我地叫左個金船長梳乎厘，入口即溶，好香蛋白味另外，仲叫心太軟朱古力布甸，都唔錯架，配埋雪糕一流🤗總括黎講，餐廳服務質素同食物款式都唔錯，好有創意，我下次都會再嚟食下其他野！