農耕記 湖南土菜 (新寶廣場)

營業中

休息中

今日同個客人食飯，佢介紹去左呢間新開的餐廳食午飯，日本韓國泰國菜都成日食，湖南菜真係好少食，所以一於上去試下。上到去門口已經在好多特色攞設，入面嘅裝修都很有農家味道，不愧是國內大型連所店。我地坐低後店員介紹左個二人套餐，唔使諗咁多就決定叫呢個套餐。首先上竟然係甜點 - 糖油粑粑，寫係小份，但係有六大粒，味道甜糯，暖暖地，好好味。之後成個高壓鍋上枱，滿滿的紅薯飯，兩個人都唔知食唔食得哂。再來是鮑魚辣椒炒肉，份量又是很足夠，辣度我個人係接受到的，相當於X 仔的十少辣，用來配紅薯飯一流。還有茶油土芹菜炒黃牛肉，看上去有很多辣椒，以為會勁辣，食左先發現一d 都唔辣，牛肉騷嫩，同樣係下飯好菜式。終於明白點解鍋飯要咁大，原來真係可以食得哂🤣仲有一個魚湯白豆腐，豆腐軟滑，完全冇石膏粉味，清新可口，咁又扒多兩啖飯喇。套餐跟一杯招牌檸檬茶，原本仲想講佢孤寒，黎到先知原來咁大杯。其實呢個應該係情侶套餐囉😏今餐真係食得好滿足，返工食飯又多一個選擇。