私房菜

營業中

休息中

呢排都係出邊食多左快餐，想轉下口味食d家常菜，就經朋友介紹搵左間私房菜約姊妹去食，真係唔搵都唔會發現有間私房菜系度，喺銅鑼灣耀華街33號三樓樓上，食個飯都好有返屋企feel，初初入到去，見燈光溫和，氣氛優雅，都幾warm，仲有好舒服既梳化添，最啱放工同姊妹relax傾計。跟著無幾耐就上菜啦～第一味南瓜湯，加左d芫茜，松子做點綴。味道食落忌廉味好濃，南瓜忌廉配搭比例啱啱好番茄片，d皮都去埋，切得好均勻，清清地，幾可口蝦多士，同樣有野菜系面頭點綴，賣相OK，多士味撲鼻而香，口感軟熟，三兩下就食晒，仲想再食添韓松子沙律，蔬菜切得好均勻，沙律醬都夠，青菜洗得好乾淨，好開胃蜜糖雞扒，扒皮都好完整無爛，比d蜜糖去煎雞皮都脆d，雞扒份量適中木魚鴨胸意粉，平時食開蕃茄肉醬意粉，今次呢個都幾新鮮，木魚鴨胸切絲，味道夾得黎又唔膩綠茶布丁，d綠茶粉鋪滿晒成個布丁，入口即溶私房菜既菜式都好岩我地口味，仲頗有創意，擺得好精緻，環境系我地入門既第一好感，門面功夫做到足，服務態度都好好，比人感覺好close。又多左個談天說地既好地方，值得再幫襯。