角川

營業中

休息中

今晚同三個老友敘舊，嚟到大坑呢間小店，十分有日本feel嘅串燒店，提醒咗我，唔知幾時先可以再去日本旅行😭。店內雖然座位有D迫，不過其實日本啲小店咪一樣咁迫，反而比我更多喺日本嘅感覺。經理同我同名，所以份外親切，好快同勁Pro咁介紹咗幾個招牌菜式同Sake，都非常唔錯，食得出師傅們好用心製作。飲到第二支Sake，經理介紹咗支「JOKER」, 非常好飲，價錢亦非常合理，所以之後再Echo多一支。但最有驚喜，其實係佢哋嘅一碟自家秘製螺（已經醉醉地唔記得咗個名😅），煮到超腍超入味超好食！下次再嚟一定會再叫，不過經理話，只係期間限定，就要睇吓下次去到好唔好彩啦😎⋯⋯不過聽聞話Booking都非常full，下次再去都一定要早啲訂位！