香港郵意明信片航海主題咖啡廳 (已搬遷) 新店位置

一間以postcard、旅遊為主既餐廳，對於好多鐘意去旅行既香港人黎講，真係一間好適合佢地既cafe。門面、店面以藍白為主，好有去左地中海國家既感覺。店內燈光柔和，營造到一種靜、寫意、家既感覺。板上面既字、圖都寫得好靚呢！餐牌設計都係一流。店入面有時會有貓行過，不過佢地大部份時間都唔會騷擾食客。當你同佢玩時，佢地又唔會抗拒。今次叫左兩樣野食。其中一樣係帶子扁意粉，份量適中。帶子大大粒，汁唔太濃，感覺清新。另一樣係餃子雞翼，外面既燒汁好甜，因為去左骨，一咬落去啖啖肉、肉質又夠滑、超滿足。額外仲叫左杯梳打，好大杯、好冰凍呢，不過有d偏甜。整體黎講，係一個比人hea時間舒服坐下，食物質素幾高，同時近鬧市，又旺中帶靜既一間cafe。