十三姨 (白加士街)

營業中

休息中

行過見到佢啲菜名幾搞笑，又十三么，又大三元，好似去咗打麻將，就入去試下。坐低就俾咗個七彩蝦片，可以邊食邊諗食乜。- 十三飛 (安格斯牛肩胛，牛肋條，溏心蛋，粉絲拼米粉)粉麵係鐡鍋上，保持温度，不過要小心燙親。湯底係正正常常既牛骨湯，配料有粉腸，好少見。有兩種牛部位，牛肩胛係半生熟，都好重牛味。佢預設係粉絲拼米粉，口感幾特別，可以試下。可以加錢轉翠玉瓜麵，真係未見過。- 嚦咕嚦咕 (玫瑰雞鎚，雞义燒，溏心蛋，粉絲拼米粉)免費轉咗做銀針粉，又係出面少有既選擇。雞叉燒，即係用雞做成日式叉燒，冇咁肥，肉質冇咁乾。玫瑰雞鎚外形幾靚，食落脆口，可以用手拎住黎食。- 400次岩鹽咖啡上層有綿密奶泡，下層係冰凍鮮奶，仲有少少岩鹽調味。打卡一流，不過個人覺得味道一般。