影片
更多
2010-04-13
103 瀏覽
環境衛生：正門係個大魚江，好有風水feel。上到樓上感覺裝修簡單乾淨，不過就暗左少少（其實暗D都好既，唔會咁熱，不過老人家就唔係好鍾意）。喺水吧前面坐埋位後，同行既友人就話覺得好似坐喺個大走廊到食緊飯。服務：由入門口到叫餸，食飯，所有人都好友善，而且睇得出個個都好落力。味道：一睇到個餐牌就覺得自己好似去左生記咁，所以都叫左兩味黎比較下。 九杞黃沙膶：味道ok，但係黃沙膶切得太厚，而且唔夠熱，所以覺得生記好食d。 泥鯭粥：兩款好難比較。金兜記既泥鯭粥比較多泥鯭，魚味重d，且唔腥，真係唔錯。而生記既就少泥鯭不過就有肉丸，所以甜d。真係各有千秋。 豉油皇鵝腸：夠熱，不過太長，應該要剪一剪。味道幾好，係值得試架。 蓮藕餅：夠熱夠乾身，咬落幾爽又唔溜唔咸，值得推介。 菜炒聖子：唔夠熱係食海鮮既大忌，所以碟野冇人食。味道ok la，冇乜特別。有一點要提既就係大家叫餸時請逐樣叫，如果唔係d餸係會一窩蜂咁黎。
正門係個大魚江，好有風水feel。上到樓上感覺裝修簡單乾淨，不過就暗左少少（其實暗D都好既，唔會咁熱，不過老人家就唔係好鍾意）。喺水吧前面坐埋位後，同行既友人就話覺得好似坐喺個大走廊到食緊飯。
服務：
由入門口到叫餸，食飯，所有人都好友善，而且睇得出個個都好落力。
味道：
一睇到個餐牌就覺得自己好似去左生記咁，所以都叫左兩味黎比較下。
九杞黃沙膶：味道ok，但係黃沙膶切得太厚，而且唔夠熱，所以覺得生記好食d。
泥鯭粥：兩款好難比較。金兜記既泥鯭粥比較多泥鯭，魚味重d，且唔腥，真係唔錯。而生記既就少泥鯭不過就有肉丸，所以甜d。真係各有千秋。
豉油皇鵝腸：夠熱，不過太長，應該要剪一剪。味道幾好，係值得試架。
蓮藕餅：夠熱夠乾身，咬落幾爽又唔溜唔咸，值得推介。
菜炒聖子：唔夠熱係食海鮮既大忌，所以碟野冇人食。味道ok la，冇乜特別。
有一點要提既就係大家叫餸時請逐樣叫，如果唔係d餸係會一窩蜂咁黎。
張貼
