影片
更多
2024-11-22
0 瀏覽
📍Dan Ryan's Chicago Grill 🔍太古太古城道18號太古城中心3樓311號舖 -----Lunch time經過成日見到呢間餐廳好多人，奈何Lunch hour唔夠長，無得慢慢入黎enjoy。終於搵到一日收工過嚟試一試。餐廳裝修好有特色，天花板有小火車🚞玩具行嚟行去，牆壁上有各種仿油畫，座位亦非常寬闊，夜晚都好多街坊一家大細嚟幫襯。睇咗一陣餐牌，餐廳就送上麵包籃，真心第一次見麵包籃咁有誠意，一籃麵包裡面有一個牛油麵包、一個麥包、同埋一個Muffin，仲有自家製士多啤梨醬。麵包微熱鬆軟，味道還不錯，最Surprise係Muffin，朱古力味香濃得黎無過甜，裏面核桃粒粒，濕潤度、甜度都係恰到好處，出面買都好少地方有咁高水準。🍝Carbonara 卡邦尼意粉 $148材料有煙肉粒、蘑菇、蛋、巴馬臣芝士、洋蔥、香蒜等等，意粉軟硬適中，芝士味濃郁，加上鹹鹹香香煙肉粒，幾惹味。🐥Buffalo Wings 水牛城雞翼 $108 6隻微酸微辣嘅水牛城雞翼，味道幾特別，辣得惹味但係又唔會令人舌頭發麻。另外為咗平衡濃味感，加入咗青瓜、西芹、藍芝士醬作伴碟，整體不錯，值得一試。🐷Roa
🔍太古太古城道18號太古城中心3樓311號舖
-----
Lunch time經過成日見到呢間餐廳好多人，奈何Lunch hour唔夠長，無得慢慢入黎enjoy。終於搵到一日收工過嚟試一試。
餐廳裝修好有特色，天花板有小火車🚞玩具行嚟行去，牆壁上有各種仿油畫，座位亦非常寬闊，夜晚都好多街坊一家大細嚟幫襯。
睇咗一陣餐牌，餐廳就送上麵包籃，真心第一次見麵包籃咁有誠意，一籃麵包裡面有一個牛油麵包、一個麥包、同埋一個Muffin，仲有自家製士多啤梨醬。麵包微熱鬆軟，味道還不錯，最Surprise係Muffin，朱古力味香濃得黎無過甜，裏面核桃粒粒，濕潤度、甜度都係恰到好處，出面買都好少地方有咁高水準。
🍝Carbonara 卡邦尼意粉 $148
材料有煙肉粒、蘑菇、蛋、巴馬臣芝士、洋蔥、香蒜等等，意粉軟硬適中，芝士味濃郁，加上鹹鹹香香煙肉粒，幾惹味。
🐥Buffalo Wings 水牛城雞翼 $108 6隻
微酸微辣嘅水牛城雞翼，味道幾特別，辣得惹味但係又唔會令人舌頭發麻。另外為咗平衡濃味感，加入咗青瓜、西芹、藍芝士醬作伴碟，整體不錯，值得一試。
🐷Roasted U.S. Baby Pork Ribs (Halt Stab)
慢烤美國進口BB豬排骨（半份） $328
呢個價錢包埋前菜同埋甜品，前菜招牌凱撒沙律超大兜，係正價嘅Size，抵食。凱撒沙律清爽開胃，豬肋骨入味且好大件，伴碟可以選擇烤粟米，香甜香甜的，而且係新鮮粟米。最後跟餐嘅甜品布朗尼蛋糕朱古力士多啤梨亦不錯，Brownie帶微微軟心，朱古力味同Muffin一樣都好濃郁，不過個人嘅飛佛都係佢免費送嘅餐前Muffin😜。
⭐PS：朋友話我知，以前可以任食Muffin，可能太多人食嘅關係，尋日問咗服務員啊姐，宜家追加Muffin要$14一個啦😆（不過要錢都好值得加）麵包就可以免費追加。
張貼
