1+2 餐廳 (已結業)

係朗豪坊對面，店面不大，典型港式餐廳。機緣巧合之下，同朋友入咗去試一試。本身對呢間餐廳冇咩要求，諗住質素同普通茶餐廳一樣。點知食落先至處處驚喜❤️我叫左豬扒餐，有曬餐湯同餐包。我飲嘅係南瓜湯，都唔錯，但南瓜味爭小小。不過佢啲麵包粒超級加分！到主菜上場啦！首先佢擺得超靚，一碟滿滿嘅，有火箭菜，雜菜，茄子，薯仔同兩塊豬扒。可以睇得出佢好有誠意，薯仔係經過處理嘅，表面嗰皮有淡淡的蜜糖香，正！豬扒冇雪味之餘，肉質都唔錯，算係高級豬扒！我揀咗黑椒汁，個黑椒汁同所有野都好夾咁嘅價錢食到咁嘅質素真係覺得好驚喜環境方面，我哋坐咗卡位，都係舒舒服服嘅。希望依啲香港小店繼續保持水準，越食越有！加油！