星河小食 (已結業)

經開西灣河，見到呢間小食店好似有報紙雜誌報導、幾出名咁，門口又方便停一停車，就落車買D野食。叫左豬扒包（應該係鎮店之寶）同烤雞全翼，等左5分鐘左右，原來2樣食物都係即叫即整，我寧願等耐小小換來新鮮熱辣既食物。豬扒包好大個，個醬幾特別，最好係塊豬扒竟然好軟淋淋，唔會硬，最怕食硬到死既豬扒，墊底既生菜蕃茄係凍既，食落好fresh， 而包都係烘過、脆的，呢個包好值得食，$30 唔洗食到出面$70-80既質素。雞全翼係蜜糖烤，雞肉好滑，老板控制火喉時間控制得幾好。完全無諗過，係而家物價咁貴既環境下，咁平民既價錢都有咁好質素，一定會再番黎試。