狂潮美食坊

營業中

休息中

過完個農曆年假又係時候收拾心情，第一日返工同事話出去食開下年，咁就去聯和墟啦。點知想食嘅幾間舖頭都未開，一路行直至見到狂潮，見佢個店名咁有霸氣，一於試下先。新春無特別加價，午餐$40起，一般茶記價位ok啦。阿姐好快送上例湯，紅蘿蔔煲豬骨，無乜味，但至少唔係味精啦。凍飲加$2，要左凍檸茶同凍奶茶，好大杯，夠凍，茶味仲好濃添。雪菜肉絲炆米（$40）好大碟，多雪菜又多肉絲，味道偏鹹少少，整體ok嘅。油鴨脾飯（$50）同事要左油鴨脾飯，哈哈，佢話好耐無食過臘味喎。飯勁多，鴨脾一隻已切件，鹹就梗㗎啦話明係臘味，鹹得黎都有鴨味，都幾好食，但50蚊就好似貴啲喎。新春都無加一算係咁。