香湘辣妹 (已結業)

過嚟探媽咪，順便搵個地方食飯，當然要搵我同媽咪都鍾意食辣嘅地方，所以就揀咗「香湘」。首先叫咗個黑木耳，爽口好味，清下腸胃，健康有益。跟住叫咗個香干炒肉，因為媽咪鍾意食豆腐干，炒得好香好惹味。之後叫咗個串燒蝦，因為媽咪鍾意食蝦，冇諗過一碟有咁多隻蝦，食唔停口。蝦好新鮮多肉，辣得來好香口，送酒一流。金牌蒜香骨又係大大碟，好多舊。茄子豆角又係好健康。呢間餐廳好有風味，值得推介。啱我地口味，會再encore。