蘇媽.蘇媽馬來西亞茶餐室 (已結業)

之前係深水埗食過蘇媽.蘇媽，對佢念念不忘。星期六同老公黎開銅鑼灣，於是揀左佢作為我地既晚餐。豬腳灣肉骨茶侍應會斟一碗肉骨茶俾你，再另上一碟豬腳灣，枱上有說明教你點樣調醬。豬腳灣夠腍，肉骨茶飲落似涼茶，但澀得黎容易入口，仲可以添飲架。甘必丹咖哩雞鎚飯好大碟，咖哩真心辣，屬於好食惹味既辣，雞鎚大大隻，調味非常惹味，啖啖肉，好好食，仲有夠腍既薯仔同洋蔥絲。椰香咖央多士多士好脆身，搽左厚厚既咖央醬，加埋牛油，好正。魚仔醬撈啦啦蜆同魚仔有鹹魚既鹹香，都唔錯。