正月十五 (已結業)

今日經過黃埔去左食甜品，諗唔到小店咁有驚喜，一入去老闆娘都好客氣，叫大家當屋企一樣，同客人有講有笑。餐牌嘅嘢食有好多款，真係諗左好耐先諗到食乜啊！今次試左3款甜品，椰皇系列相當吸引，桃膠椰皇燉3.6牛乳桃膠份量好足料，堆到上頂，揀左熱食，牛奶味濃，比較清新。至於焦糖燉椰皇，椰皇味很香濃，而且很滑，值得一值，如果可以再加多d焦糖就好喇！之後呢個小食拼盤每我最有驚喜，係集合晒三樣店內最特色的食物。芒果糯米卷和芒果pancake所用的都係呂宋芒，超甜，而且好大好多芒果，糯米皮非常煙韌，同芒果好夾，最特別我覺得係芝士忌廉春卷，甫上枱，老闆娘話要用手食，因為佢好鬆脆，結果入口即溶，仲配埋入面既cream ,真係好鬆化，好好味道！聽講坐成日都係$70，包嘢飲同埋甜品，我下次會再黎試試。