Baker by Lubuds

營業中

休息中

次次經過都勁多人排隊，網上見過話好好食。今日經過第一次既時候見到無人排，心諗係咪可以唔排隊試喇終於，點知原來有個牌寫住蛋撻賣晒。。結果我今日第二次經過既時候見到有人龍喇，不過個賣晒牌仲健在，到底仲有冇呢。。？原來有寫出爐時間。由於見條隊只係去到一半，唔好理，排左先啦。排下排，職員突然間話蛋撻得返一盤，後面既人可能無。😱氣氛即刻好緊張，前面個呀姨望住我話希望有啦。排到呢度仲有20個，安全喇！！終於俾我排到喇！最後買左3個。同港式蛋撻唔同，佢呢個皮超厚。咬落去其實蛋係好少，成件以酥皮主打，好脆好脆，第一次食咁脆既酥皮，真心正呀。蛋就甜甜地似葡撻。下次有機會希望再食啦，我對佢其他酥都有興趣🥰不過如果要排好長就未必了。