小火山 (已結業)

宜家天氣好凍，收工只想食熱笠笠嘅火鍋，咁encore小火山啦。哩間餐廳晚市依然好full，唔想排隊，記得預先定位。蝦片，一落座，會即刻送上一籃蝦片，可以邊食住邊叫嘢。蝦片香脆，食到停唔落口。凍泰式奶茶，泰式香味好重，茶底清香，好飲。凍泰式雙檸紅茶，檸檬加青檸搭配，比普通嘅檸茶多咗一絲香味，飲落好清爽。泰式芭拉魚露拌木瓜沙律，沙律好大一份，有蝦仁，木瓜絲同四季豆等，沙律醬加咗芭拉魚露，更加酸辣惹味。小火山x曼谷柏拉差燒烤套餐，套餐好豐富，有柏拉差醃泰國無激素豬肉，手切鮮豬潤，柏拉差醃牛柳同原只鮮魷魚，湯底揀咗小火山牛骨船湯同香茅椰汁雞湯。香茅椰汁湯底，飲落微酸，濃濃椰汁味，唔錯。牛柳同豬肉預先醃制過，無論烤或者火鍋，肉質都好嫩滑。豬潤一D腥味都冇，處理得好乾淨。全部食完真係好飽，食得好滿足TIM！