泰識野 (新北江商場) (已結業)

作為海南雞飯的愛好者，真係要周圍搵先搵到好野食，新北江好多食店都藏在每個角落，要搵好野食，真係要自己行均成個商場先得，之前一直未試過呢間，但聽朋友講讚呢到啲雞好滑，所以今日去試吓。呢間小店之前食過，其他野都唔算太突出，炸雞就一般，但今日一試就真係覺得海南雞飯真係超乎想象！而且佢價錢咁平，真係無乜好挑剔，外賣拎返屋企食就比較好。雞肉無骨，食落啖啖肉，雞皮唔會太厚，脂肪亦都唔會過多，入口充滿啖啖脂香，雞髀肉非常嫩滑，富雞味，皮爽甘香，厚肉富彈性，皮下有啫喱膏。 至於好吃的雞油飯，要香軟油潤，帶香茅南薑味，這個米飯圓潤，粒粒分明，油潤入味，帶薑葱香，偏軟腍但不失咬口。辣醬辣得刺激，有新鮮辣椒的味道和層次，個辣醬好加分呀！