天空虎嘯

營業中

休息中

我喺openrice上面搵到呢間寶藏，主打蒸氣火鍋，然後海鮮有好多唔同嘅選擇，而且價錢唔貴，好抵食。我book咗禮拜六夜晚帶女朋友去食晚餐，佢非常之期待，感覺真係好好食。嗰晚去到嗰度，覺得環境唔錯，仲有風景睇，俾我嘅第一印象好好。佢哋都好有自己嘅特色，佢哋得一樣餐牌，【正宗阿拉斯加長腳蟹海鮮蒸氣刺身套餐】，套餐入面包咗好多菜式，有幾樣我特別鍾意。阿拉斯加長腳蟹好特別，長腳蟹係非常之大隻，食得好爽，蒸氣火鍋可以鎖住長腳蟹嘅水分，所以鮮嫩之餘，仲好多汁。芝士櫻花蝦鮑魚同龍蝦湯蒸蛋配蟹肉，我都幾鍾意，芝士同櫻花蝦都帶少少微微嘅甜，就係鮮，同鮑魚好夾。龍蝦湯蒸蛋配蟹肉就鮮香無比，龍蝦湯嘅鮮味好濃，蒸蛋非常入味。法國野生深海白鱈魚我係第一次食，食一啖就愛上咗，好滑好嫩，入口即化，鱈魚嘅鮮味好惹味！我真心推介大家嚟呢度試吓，個人認為好抵食！！