明明車仔麵專門店 (英皇道) (已結業)

明明個門口有啲難搵，係五洲大廈右邊（近炮台山方向），即明星酒家門口隔離入去一兩個鋪位左右，但未行到已經聞到好香嘅味道。推開門，會見到一排排 幾十個位，好易拎位，坐低望住Menu有啲眼花繚亂，樣樣都想食。我食過咁多次，極力推薦「瑞士雞翼」、「沙嗲汁湯底」同埋「油菜一碟（白菜仔跟腩汁）」，其他餸都好吸引，等你自己去品嚐啦，我食咗咁多次都仲未食哂啲配搭。當然老闆都定咁幾款配搭，等你唔駛諗得咁辛苦。不過留意返佢係由三餸起跳㗎！