Noodies (已結業)

放工去西營盤按摩，之後就行左上第三街既noodies食晚飯餐牌只係一張普通車仔麵店既紙仔，55蚊三個餸，喇沙湯同冬蔭公湯加6蚊，加餸要再加10蚊。我就叫左冬蔭公湯底加韓國拉麵，配豆卜、手撕雞、八爪魚餅同溏心蛋。超豐富既一碗麵五分鐘左右已經上菜，首先佢湯底好夠味，酸同辣味平衡得好好。不過唔太食得辣既朋友記得叫少辣。我個碗既辣度岩岩好，唔會需要狂飲野，我諗應該係因為佢一開始整錯左清湯俾我，再溝番冬蔭湯落去，反而同枱友人辣到咀都紅埋冬蔭公湯配比較粗色既韓式拉麵本來應該好索湯好match(實在好中意mama個隻冬蔭公公仔面)，但麵煮得淋左d，將近覺得糊既地步，如果留意番就更加perfect。八爪魚餅食到好多粒魚肉，覺得係必食之選溏心蛋流心流到不得了，如果調埋味絕對有出面d拉麵店既水準。但手撕雞韌過柴皮，可以唔洗嗌。試埋友人碗麵既廣島蠔，雖然得兩隻，但size都唔細而且重好鮮甜，唔洗加錢都食到呢個餸算係幾抵。總括黎講食物質素唔錯，價錢雖然唔平但食到任你配搭既湯麵，湯底重要唔係求其hea你，都算係值得。