茶湯會 (環球大廈) (已結業)

途經茶湯會，見到有燕麥系列的飲品，一向對燕麥奶情有獨鐘既我自自然然地就被佢吸引左入去。燕麥系列有分為豆漿，奶茶 & 拿鐵，每款都有吾同既口味可揀，仲有得揀凍飲或熱飲。鐘意熱飲既我最後叫左杯燕麥觀音拿鐵加珍珠同香辣吞拿魚吐司外賣。燕麥觀音拿鐵加珍珠 - 雖然係叫左熱飲，但杯奶茶size都係好大杯，飲落口除左有珍珠，最令我驚喜既係有燕麥片，大小適中既粒粒珍珠加上一塊塊既燕麥片，一飲入口完全令口感既層次增加左，好有嚼口，而且同茶的味道都好match，飲完個身暖笠笠，真係好岩而家呢d秋冬天氣飲。香辣吞拿魚吐司 - 吐司外層烘得有少少金黃色，好似幾吸引，入口亦都無令我失望，外脆內軟，裡面的餡除左吞拿魚仲有蛋，裝滿在吐司的內層，真係好足料，味道方面有少少辣，個辣味剛剛好，吾會搶走吞拿魚的味道。