影片
更多
2022-06-28
346 瀏覽
🍸Club Albergue 1601 🔍銅鑼灣勿地臣街1號時代廣場食通天11樓1105號舖-----收工去銅鑼灣濕平，喺時代廣場買完波鞋之後，順道黎食通天呢邊揀間人流多嘅餐廳坐下休息。.步入餐廳內部，先發現餐廳比出面睇嘅大好多，有露天位置，亦有吧檯位、坐檯位，梳化卡位等等。梳化位有大量Cushion，非常柔軟，正適合行完街好攰嘅時候坐。服務員態度很不錯，餐牌以西餐同酒品🥂為主，可惜前幾日腸胃炎完唔飲得，如果唔係其實餐廳飲酒個氣氛幾好。✨1601招牌意大利飯（$268）佢地有好幾款🇮🇹意大利飯，見到呢一款寫招牌，就order返個試一試佢。一片橙橙黃黃，暖色系嘅Risotto，貌相精緻誘人。材料有魷魚、大蜆、蘆筍、🍅風乾蕃茄、菠菜，同埋三種混合芝士（馬斯卡彭軟芝士、巴馬臣芝士、藍芝士）。整體味道調味開胃，芝士濃而不膩，米粒帶嚼勁，幾有咬口。🍝香蒜辣椒意粉（$158）🦆香煎法國鴨肝伴八珍甜醋汁（$168）朋友仔話想食鵝肝意粉，由於餐牌無呢個選擇，我地就自行order咗呢兩樣野，配搭咗“鵝肝意粉“出黎😆。香蒜辣椒意粉加入橄欖油烹煮，蒜香突出，再配以微微辣黎提味，意粉條條軟硬適中，出乎意料地冇
🔍銅鑼灣勿地臣街1號時代廣場食通天11樓1105號舖
-----
收工去銅鑼灣濕平，喺時代廣場買完波鞋之後，順道黎食通天呢邊揀間人流多嘅餐廳坐下休息。
.
步入餐廳內部，先發現餐廳比出面睇嘅大好多，有露天位置，亦有吧檯位、坐檯位，梳化卡位等等。梳化位有大量Cushion，非常柔軟，正適合行完街好攰嘅時候坐。
服務員態度很不錯，餐牌以西餐同酒品🥂為主，可惜前幾日腸胃炎完唔飲得，如果唔係其實餐廳飲酒個氣氛幾好。
✨1601招牌意大利飯（$268）
佢地有好幾款🇮🇹意大利飯，見到呢一款寫招牌，就order返個試一試佢。一片橙橙黃黃，暖色系嘅Risotto，貌相精緻誘人。材料有魷魚、大蜆、蘆筍、🍅風乾蕃茄、菠菜，同埋三種混合芝士（馬斯卡彭軟芝士、巴馬臣芝士、藍芝士）。整體味道調味開胃，芝士濃而不膩，米粒帶嚼勁，幾有咬口。
🍝香蒜辣椒意粉（$158）
🦆香煎法國鴨肝伴八珍甜醋汁（$168）
朋友仔話想食鵝肝意粉，由於餐牌無呢個選擇，我地就自行order咗呢兩樣野，配搭咗“鵝肝意粉“出黎😆。香蒜辣椒意粉加入橄欖油烹煮，蒜香突出，再配以微微辣黎提味，意粉條條軟硬適中，出乎意料地冇咩醬汁嘅意粉都幾好食。香煎法國鴨肝則外脆內軟，火喉控制恰到好處，加上八珍甜醋，食完唔會覺得油膩飽濟。
張貼
