敏華冰廳 (壹嘉)

營業中

休息中

灣仔敏華餐廳新開業， 今朝早去試下個早餐， 一入門口已經聞到好香嘅鷄湯味， 我一向食早餐有個習慣都係食吉列魚柳或者煎豬扒， 但係畀呢個湯味吸引到，我叫咗一個最平嘅早餐， 榨菜肉絲米加咖啡， 同一個火腿煎雙蛋加奶茶， 果然令我喜出望外， 榨菜肉絲米到嘅時候湯嘅熱度好夠， 榨菜爽肉絲好有肉味唔會一陣雪氣味，米粉又滑又弹牙， 好耐未食過一碗咁有水準嘅早餐米粉， 因為太好食食完之後意猶未盡仲叫多咗一個酥皮蛋撻， 酥皮唔多油鬆化香， 咖啡奶茶亦都好有水準， 值得一讚嘅就係招呼員工都好有友善有禮貌， 大力推薦大家去試下!