Centre de Vin by Nexus (已結業)

呢間餐廳係冇諗到黎到可以咁靚 好似去左酒店既餐廳咁 好高級既感覺野食種類雖然唔多 但樣樣都好似好好食 好特別咁生和牛牛肉韃靼佢既沙律菜本身撈左橄欖油 令到d菜好香 多士就脆卜卜 連埋d牛肉食好正 本身牛肉係加左洋蔥同唔知咩既材料 好滑 好林 同埋個口感好正 法式海龍皇湯個湯好濃好香 好好飲 好特別 入面仲有海鮮肉 配埋個麵包一流 點湯又得 點牛油又得 個麵包又好厚身 好鬆軟蒜香欖油海鮮手製墨魚汁麵呢個好香口 佢既麵係闊條麵咁 好特別 麵本身已經有墨魚既香味 加埋好多既海鮮又有蝦又有扇貝又有青口 好豐富既口感