Owl’s Stage (已結業)

今日出旺角買野，食埋野至返屋企，餐廳位置旺中帶靜，四周放滿成雙成對既貓頭鷹，感覺溫馨！好啱同男朋友或者閨蜜嚟食野。我地叫咗一個set，再單點小食。吞拿魚碎蛋沙律好俾貨，份量好多，有唔同品種嘅新鮮沙律菜之餘，上面仲有吞拿魚碎蛋，有驚喜！香煎比目魚扒配乾蔥白酒忌廉汁既比目魚份量足，煎得剛剛好，魚皮煎到香脆，而魚肉仲保持Juicy嫩滑。第一次試乾蔥白酒忌廉汁，味道好特別，同比目魚幾夾，唔會太漏。蒜香牛油汁鮮魷魚青口車里茄意粉食落唔會乾身，而且鮮魷同青口都幾新鮮，讚！自家製鮮忌廉薯蓉非常香滑，加左忌廉但唔會食到漏，入面有黑椒碎，帶起左薯蓉味道，有唔同層次。至於柚子蜜糖雞翼就香氣十足，而且雞翼食落啖啖肉，正！飲品方面，番茄湯酸酸地好開胃，熱檸茶就啱哂呢兩日涼涼地既天氣飲。