九里香茶餐廳

營業中

休息中

又嚟飯堂開餐，地方好熱鬧！依然爆場！今日好早食午飯，之前見同事食椒鹽豬扒飯個賣相幾好，今日咪叫來試下！因為唔太肚餓，所以叫店員多菜少飯！食物超快上枱，不過賣相明顯同之前見嘅唔同了！通常椒鹽豬扒係乾身嘅！呢個睇落好濕！外皮唔脆！不過味道唔錯，只係無咗椒鹽乾身嘅口感！豬扒切件，口感唔乾，味道辣辣地，配爽脆椰菜一流！椰菜份量都多！味道好主要係個汁！不過無乜椒鹽味！熱檸水正常！我都有同好好笑容嘅店員講，碟飯好濕，佢話可能因為我多菜，所以出多咗水！（咁雖然呢個解釋未必合理，不過佢態度ok)食飯有時除了食物，服務都係一個好重要一環！食飯唔係為受氣！我接受有時會失手！而呢度店員好健談，記性好，做事勤快！仲會幫客人睇有無警察抄牌！真係十項全能！所以就算地方比較殘舊！都好多人來食！