和拉麵

營業中

休息中

餐廳只有三款拉麵，分別係豚骨原味拉麵($75)，辛辣拉麵($80)和味增拉麵($80)。拉麵方面，Order紙上，除了可以選擇邊一款拉麵湯底外，還可以選擇湯底的濃度，蔥、蒜蓉多少和麵的硬度。而且餐牌上寫明係堅持正宗日本博多系豚骨拉麵，湯底經大火超過10小時熬製而成，無添加，濃而不膩。我叫咗一碗辛辣拉麵，小辣，有叉燒，麵底揀咗普通硬度，其他配料都係正常份量！叉燒都幾大塊，而且好滑，肥瘦適中，入口即融！湯底先係精髓，濃郁香醇，加少少辣味好開胃！佢自家嘅辣芽菜可以任添，更加惹味！味噌拉麵，湯底用咗十個鐘熬製而成，好夠濃郁，味噌味好突出，麵身揀咗普通，食落有咬口，同樣掛湯。魚手指炸得好香脆，內裏魚柳好足料又香，好高質。另外見到老闆每一個客人入場離場都會同客人打招呼，感覺好有人情味。