圓鐵板燒 (已結業)

尋日同屋企人嚟食lunch,平時行過聞到都好香，不過好多人，所以一直都冇試，而尋日因為時間早，終於可以試下😄😄😄入座後，見到餐牌花多眼亂，有好幾個套餐，樣樣都好吸引，最後選擇左一個二人餐，有安格斯牛柳，有龍脷，有西芹炒蝦仁鮮魷之前曾響東涌食過一次鐵板燒，估唔到今日會再有機會食，反而屋企人係第一次食，所以感覺好新鮮😎😎首先一上枱嘅係湯，之後就係廚師炒菜：好香，好有蒜味，菜好爽口，之後就會奉上白飯，飯面會有啲芝麻，好香口然後就係牛柳，：一入口好滑，而且好有口味，好多肉汁，宜家諗返都流晒口水😙😙😙之後就係西芹炒蝦仁鮮魷：熱辣辣，一炒起就食，好香好惹味，不過差唔多食到底，就開始辣😆😆，所以最後果啲比左屋企人食最後係煎龍脷：雖然好香口，不過個人認為乾身左小小，不過都係好味嘅🤓🤓🤓我地兩人都加左杯冬瓜茶，走冰，唔太甜，幾好應該短期內會再光顧🖒🖒🖒**由於掛住食同望住靚仔廚師，所以唔記得影多啲相😂😂😂😂