Oddies (已結業)

聞名已久, 可惜上次去時遇上放假唔開, 今次約埋三五知己一齊返兜。舖面唔大, 但招牌幾靚, 簡簡單單。黃昏未放工, 人數唔多,但可能製作繁複, 3杯都等左20至25分鐘。有三個選擇, 本人是朱古力怪, 選了Night Wolf。見到偶像咁款,留晒口水。先咬雞蛋仔, 奇脆無比, 仲要唔係空心, 內裡滿滿的, 好香蛋味,仲混了朱古力在內。再來朱古力味濃郁的扭紋雪糕, 滿口甜甜的黑朱古力, 咩唔開心都唔記得!食到落底部, 有熱情果凍, 有d太酸.....本來想試埋季節限定雞蛋仔, 可惜已太飽。初初覺得Night Wolf $52有點貴, 但食完後, 晚飯都慳返, 份量之多,十分超值。