吉豚屋吉列豬扒專門店

營業中

休息中

夜晚九點左右去左寶琳個邊同friend想食野，咁岩呢間有一張四人枱，就走左入去食。見到個餐牌印著大大碗吉列豬排飯，我梗係叫左呢個食啦！驚唔夠飽，仲叫左加大個飯添。一黎到，嚇到呆左，碗飯真係好大碗！主打既吉列豬排真係好好味，外脆內軟唔在講，唔似普通既吉列豬排咁乾，食落去仲有肉汁，重點係切得夠細件，件件都差唔多size，可以一口一件，食落配飯就更加好味！吉列豬排既份量亦都足夠，唔會話太少變到淨係食飯。美中不足既係就算吉列豬排有肉汁，但係碗麵豉湯又偏鹹，仲要一大碗飯，要飲晒成杯凍奶茶先夠解渴，所以加大飯既時候記得加大埋個豬排。