影片
更多
2017-02-28
182 瀏覽
以為上星期日天氣唔好，點知又好天無落雨，即興同男朋友去西環泳棚影偽文青照。影完坐叮叮去地鐵站，卻落錯車，灰爆。又肚餓，又凍，好想打邊爐，但得兩條友，不如食一人鍋！？此時，即刻搵偉大既OpenRice 幫手，搵到呢間係附近，飛撲咁去。間餐廳係電腦商場，可能係夜晚，好冷清。但當我地入到黎，店員好熱情，又好溫柔介紹佢地既火鍋種類。我叫左$110（細）環球海鮮鍋配南瓜湯底，係佢地自家製既湯底。一上，見到咁多配料，好豐富，啲海鮮好大隻，完全係超乎想像，以為會揸流灘。一滾左當然飲下淡湯先啦，真係飲得出南瓜味，味道清甜，好養生既感覺。而海鮮中有蝦、蠔、帶子、青口，八爪魚，蟹肉棒。每一樣都好新鮮，無雪&霉味。仲有好多丸，每個都有餡，好好味。而男友點左個$98安格斯牛肉配佢地既蕃茄湯底，我偷飲左啖湯，好蕃茄，係真材實料！而佢既配料同我既一樣，牛肉我都有食一塊，味道幾好，不過我都係鐘意食海鮮多啲。最得我歡心既有兩樣，一樣係個醬汁，因為其中一款係台灣既沙茶醬，自從係台灣食過之後，好掛住呢隻醬，竟然俾我發現呢間有，令到我好開心，決定多啲嚟呢度打邊爐。另一個係，個火鍋配料下面有好多菜，而且火鍋仲跟一個飯或者紅薯
間餐廳係電腦商場，可能係夜晚，好冷清。但當我地入到黎，店員好熱情，又好溫柔介紹佢地既火鍋種類。
我叫左$110（細）環球海鮮鍋配南瓜湯底，係佢地自家製既湯底。
一上，見到咁多配料，好豐富，啲海鮮好大隻，完全係超乎想像，以為會揸流灘。一滾左當然飲下淡湯先啦，真係飲得出南瓜味，味道清甜，好養生既感覺。而海鮮中有蝦、蠔、帶子、青口，八爪魚，蟹肉棒。每一樣都好新鮮，無雪&霉味。仲有好多丸，每個都有餡，好好味。
而男友點左個$98安格斯牛肉配佢地既蕃茄湯底，我偷飲左啖湯，好蕃茄，係真材實料！而佢既配料同我既一樣，牛肉我都有食一塊，味道幾好，不過我都係鐘意食海鮮多啲。最得我歡心既有兩樣，一樣係個醬汁，因為其中一款係台灣既沙茶醬，自從係台灣食過之後，好掛住呢隻醬，竟然俾我發現呢間有，令到我好開心，決定多啲嚟呢度打邊爐。另一個係，個火鍋配料下面有好多菜，而且火鍋仲跟一個飯或者紅薯粉！個鍋女仔食唔曬，除非好肚餓，而男仔食完都叫好飽，呢間火鍋實在超值！
張貼
