新麻蒲 BBQ (波斯富街) (已結業)

今晚同朋友喺銅鑼灣行街，行完之後搵地方醫肚，上網一查原來附近有間食燒烤火鍋嘅韓國餐廳都幾出名，跟住我哋就去試一下。經店員介紹之後點左個火鍋，火鍋其實有兩款，一個係海鮮鍋，不個係牛肉雜菌鍋。我哋係食肉獸，所以呢就揀咗個牛肉雜菌鍋，等左一陣個鍋上嚟啦！份量多到嚇親我哋，勁多蔬菜牛肉菇菌，再等一陣牛肉湯亦都奉上，店員小心翼翼倒入牛肉湯。靜待一會，就食得啦～～牛肉湯味道濃郁配合各種嘅食材食超好味，湯底清甜可口，我都飲咗成碗湯！小食前菜都好好食，白蘿蔔、泡菜、大蔥、大蒜、大豆芽、海帶、沙律我哋另外嗌左個蜆肉伴飯，係有少少辣，但係幾好食，蜆肉份量唔少，而且飯入邊嘅醬料好惹味，整體好夾