影片
更多
2011-09-14
46 瀏覽
未試過JW萬豪buffet，但聽聞食物質素好好。上星期五去試下，但booking過程頗麻煩，訂位時要俾email，酒店會sent 張form你填，因要用信用卡過數落訂，酒店收到錢再打番電話俾你confirm訂位，並說明取消booking，訂金不可取回。但又不是過時過節，為何要落訂book呢？唔知臨時book會點呢？那晚收費每位 560 元，說是因做西貢海鮮，所以咁貴，但HSBC白金卡有8折。事實食物質素真係好高，選擇雖不多，但全部都好好味又新鮮。食物有：花膠、鮑魚仔任食。薑葱，D好大隻又鮮味。麵包蟹、花蟹蟹拑、蝦、避風塘炒蟹，開邊龍蝦、花螺肉、開邊琵琶蝦，肉質都好實淨、好鮮甜。炒班片，絕非雪藏貨，啖啖肉又好味。粉絲蒸扇貝、豆豉炒蜆都好大隻，炒蜆D醬汁好惹味。刺身有三文魚、墨魚、象拔蚌、魚，都好新鮮。义燒、燒鴨、海南雞飯都OK。有咖喱同印度薄餅，但太飽無試到。有椒鹽瀨尿蝦，好大隻，長過我隻手掌，但味道麻麻，好多油。甜品有雜果蛋糕、朱古力mousse、tiramisu、cheese cake都好好味，藍莓cake就好酸。生果有
那晚收費每位 560 元，說是因做西貢海鮮，所以咁貴，但HSBC白金卡有8折。
事實食物質素真係好高，選擇雖不多，但全部都好好味又新鮮。食物有：
花膠、鮑魚仔任食。
薑葱，D好大隻又鮮味。
麵包蟹、花蟹蟹拑、蝦、避風塘炒蟹，開邊龍蝦、花螺肉、開邊琵琶蝦，肉質都好實淨、好鮮甜。
炒班片，絕非雪藏貨，啖啖肉又好味。
粉絲蒸扇貝、豆豉炒蜆都好大隻，炒蜆D醬汁好惹味。
刺身有三文魚、墨魚、象拔蚌、魚，都好新鮮。
义燒、燒鴨、海南雞飯都OK。
有咖喱同印度薄餅，但太飽無試到。
有椒鹽瀨尿蝦，好大隻，長過我隻手掌，但味道麻麻，好多油。
甜品有雜果蛋糕、朱古力mousse、tiramisu、cheese cake都好好味，藍莓cake就好酸。
生果有西瓜、火龍果、哈蜜瓜同橙。d橙又夠凍又甜，雖然普通但卻有驚喜。
Haagen-Dazs有朱古力、雲尼拿、曲奇朱古力。
Service絕對是五星級酒店級數。
如果是追求款式多，會失望。如果是要求質素，應會滿意。
張貼
