爆丼屋 (已搬遷) 新店位置

今日想食刺身丼，見到呢間專門食丼飯，即刻試下！四重火山盛丼好似火山一樣宏偉壯觀！拖羅蓉吾止得拖羅，仲有赤身、甜蝦、劍魚腩、帆立貝、紋甲魷魚、三文魚籽，所以味道多元化，好豐富，撈飯一流！仲有加州海膽，甘甜，質感細膩，真好味。鮮松葉蟹肉都好鮮甜，啖啖肉吾洗自己拆殼👍🏻三重大極上丼用拖羅舖滿碗飯，好誇張。咬落好香魚油味，有少少筋，淺粉紅色，很優質~頂尖還有日本海膽，色澤比較鮮橙，非常新鮮。粒粒白桃肉白桃汁來自日本，好香甜的果汁，飲到停唔到口😂呢間丼飯夠大碗，份量十足，未試過食得咁滿足😋😋😋