廚魔 (已搬遷) 新店位置

當晚同朋友去咗廚魔，本身已經好想食呢間，因為佢係一間好有特色嘅分子料理食肆。餐廳內嘅間隔都算寬躺，我哋被安排咗其中一間房，內有三至四張枱。整間餐廳嘅佈置都頗有特色。當晚我哋叫咗個套餐。最令我有深刻印象嘅係一開始佢先會比消毒毛巾俾你抹手，但消毒毛巾出場嘅方式好特別，我初初以為係什麼食物，因為佢係一個盤裏面有晒乾冰有晒氣咁出場，再加埋花露水，非常壯觀。店員服務非常好，每道菜佢都先會叫我哋估下，睇下食唔食出係甚麼味道。因為食物嘅味道同外觀係完全不一樣的，係兩碼子嘅事。當我哋每食完一道菜，佢就會同我哋開估，而且亦都會詳細解釋佢嘅來源及意義。而確實每道菜都非常好食。每隻碗碟嘅款都好靚，亦都好有特色，好特別。最後仲有懷舊嘅瑞士糖及椰子糖，俾我哋帶走。各樣野都睇得出依間餐廳嘅老細擺咗好多心思落去，真係值得一讚。