形 (海天晉滙)

營業中

休息中

發掘將軍澳美食，竟然搵到一間非常適合朋友聚會嘅餐廳，除咗有酒飲，有波枱有飛鏢機，仲可以食串燒、食雞煲、打邊爐，非常多元化。🟡自家製秘製雞煲🟡鹿兒島黑毛豬肉片職員好好人，幫手開爐，筆湯，炒香雞煲配料，仲有打邊爐嘅時候叫佢哋過嚟加清湯。雞煲真係好惹味，我哋點咗唔辣，更加食到醬汁配料嘅香味。🟡脆脆雞中翼🟡泰式燒原條茄子偏向泰式嘅雞中翼同埋燒茄子，燒茄子好貼心有用火㷫住保持溫度。🟡鰻魚炒飯炒飯炒得乾爽，加埋鰻魚醬汁，有日式風味。🟡荔枝味生啤非常好飲，一定要試！🟡Fruit punch 打卡飲品，啱晒唔飲酒嘅人士。餐廳環境寬敞，好有放工後要鬆一鬆嘅氣氛，仲有室外餐枱位置，冇用餐時間限制非常適合朋友聚會。都見有小朋友家庭嚟食飯，食物有辣有唔辣，任何人士都適合。