影片
更多
2022-08-20
47 瀏覽
📍T8 Japanese cuisine 中環蘭桂坊15-16號協興大廈5樓真係太耐冇去旅行🧳！好掛住家鄉（日本）🥹🥹，所以表姐帶我去食間日本Omakase嘅餐廳，等我食番家鄉既味道🥰🥰😋😋，止下我嘅思鄉病🥹🙏🙏 佢就係T8 Japanese Cuisine ！ 依間餐廳係正蘭桂坊，港鐵站一出好輕易就會搵到，真係連location 都正過人！一去到餐廳，環境極舒適！係我最鍾意❤️既日式裝修，而且坐位之間非常寬敞，空間十足，而且坐係鐵板爐邊可以睇著師傅好用心又好純熟咁製作每一道料理，又可以同廚師互相交流，真係一流既享受！加上店員有禮既招待、不時幫客人收拾碗碟同添加茶水，服務非常貼心！連清潔姐姐都非常有禮貌，洗手間非常乾淨衛生！講番我地叫既野食🤭我地叫左期間限定既Summer Festival Seafood Menu ( 夏祭海鮮套餐) $ 1680 總共包括9道美食: 1.前菜-海膽松葉蟹肉果凍 以精美的鐵盒盛載 ，賣相一流。海膽幼細香濃，再配上新鮮既松葉蟹肉，凍成啫喱，感覺十分清甜!😍😍2.時令刺身2品- 厚切中拖羅及北海道帶子厚切中拖羅真係入口即溶🤤🤤佢肉質鮮嫩，非常新鮮，而且味道鮮
中環蘭桂坊15-16號協興大廈5樓
真係太耐冇去旅行🧳！好掛住家鄉（日本）🥹🥹，所以表姐帶我去食間日本Omakase嘅餐廳，等我食番家鄉既味道🥰🥰😋😋，止下我嘅思鄉病🥹🙏🙏 佢就係T8 Japanese Cuisine ！ 依間餐廳係正蘭桂坊，港鐵站一出好輕易就會搵到，真係連location 都正過人！一去到餐廳，環境極舒適！係我最鍾意❤️既日式裝修，而且坐位之間非常寬敞，空間十足，而且坐係鐵板爐邊可以睇著師傅好用心又好純熟咁製作每一道料理，又可以同廚師互相交流，真係一流既享受！加上店員有禮既招待、不時幫客人收拾碗碟同添加茶水，服務非常貼心！連清潔姐姐都非常有禮貌，洗手間非常乾淨衛生！
講番我地叫既野食🤭我地叫左期間限定既Summer Festival Seafood Menu ( 夏祭海鮮套餐) $ 1680
總共包括9道美食:
1.前菜-海膽松葉蟹肉果凍
以精美的鐵盒盛載 ，賣相一流。海膽幼細香濃，再配上新鮮既松葉蟹肉，凍成啫喱，感覺十分清甜!😍😍
2.時令刺身2品- 厚切中拖羅及北海道帶子
厚切中拖羅真係入口即溶🤤🤤佢肉質鮮嫩，非常新鮮，而且味道鮮甜，食完又意猶未盡嘅感覺🤭🤭！
而北海道帶子落咗岩鹽同埋青檸汁，令到帶子既鮮味更加突出，而且仲好大粒，食落真係好滿足！😙😙
3.蠑螺壺燒
蠑螺壼燒係即叫即製嫁，佢上枱既賣相非常吸引😍因為佢係成個原隻蠑螺上台嫁！廚師用螺殼作為一個湯碗，將螺肉拎出黎切片再配上清湯放入螺殼煮，螺肉吸收了清湯嘅精華,口感清甜，肉質爽口。而螺湯更加係鮮甜可口，有淡淡既螺香味道。🥰🥰
4.鐵板燒明太子煮蜆
佢係用明太子同清酒一齊煮 ，d蜆肉夠晒大粒，吸晒明太子既精華，好鮮甜同埋有濃濃既清酒味，真係一級享受☺️☺️☺️！
5.鐵板燒蟶子王
鐵板燒蟶子份量令我驚訝😱🤭🤭😍😍！好夠份量！而且新鮮美味 ，肉質彈牙，配搭香草🌿牛油，仲加入埋烏魚子，令到蟶子既鮮味再提升🤤🤤！
6.白松露蔬菜-有機菠菜、豆苗加埋白松露。 食落去有好fresh 嘅感覺😄😄好舒服！
7.櫻花蝦炒飯
這款鐵板燒炒飯配以清香既櫻花蝦同香蔥 ，仲配埋最鍾意既香滑炒蛋 ，真係100分既炒飯呀！💕💕😇😇
8.鯛魚濃湯
原來廚師話我地知係用左十多斤既新鮮鯛魚熬製而成 ，再配上日本昆布，令到成個魚湯呈奶白色，有濃濃既新鮮鯛魚味，味道鮮甜又可口☺️！人間美食啊！
9.天婦羅配紅豆雪糕
最後一道梗係有女仔最鍾意❤️既甜品呢！香蕉天婦羅炸得外脆金黃，入面香軟🤤肉質軟滑香甜🫣配搭最愛既紅荳雪糕，冷熱交融，配搭簡直係天衣無縫！
⭐️⭐️未試過既朋友真係好值得一去！！真係物超所值㗎！😊😊😍😍服務仲要好一流tim!
張貼
