稻香超級漁港 (已結業)

朝早好想去飲荼，遠遠地都要行去稻香飲，因為真係好扺！十點半去到都唔洗等位，不過去得稻香都預左搭枱多架喇，無所謂啦，黎返壺普洱先，夠晒濃，水都好夠滾！首先叫左個孖寶餐，鳳爪排骨飯加油生菜都係$17！ 排骨飯都幾入味，飯底粒粒分明又夠軟，排骨都剛好夠甩骨。次次黎都會叫花枝餅，但今次個面煎得唔夠脆，次次食蝦餃有啲悶，所以叫左貢苗餃，都幾驚喜，皮係滑溜溜，入面餡好甜好多汁！不過叉腸就曳啲喇，皮厚又唔滑！牛肉就普通，無特別。以呢個價黎講，真心好滿意。