The Backstreet Kitchen (已結業)

成日聽人話元朗有間好好食既燒肉，今日終於有機會試下。平日6點幾去到，3個人都要等位，可能因為坐位比較少。坐到入去都係只能坐吧台。坐定第一時間叫招牌石燒吉列牛小排。半熟既牛小排配合3種唔同既調味料：豉油，炸蒜，wasabi，未食已經覺得好吸引。每塊牛小排都切得好薄，根據menu指示，再放上石板燒多10~12秒就好夠。薄切牛肉一啲都唔靭，牛肉味香濃。牛肉熟度可以跟據個人喜好控制，有得玩又有得食，正！